距離婚期只有接近一個月的時間, 年糕我開始緊張啦!!
緊張係因為有好多濕星野都未搞, 真係大事又未做好, 小事又一籮籮.
依家就密密淘呀淘….對, 我最愛就係淘寶.
好啦, 今次想同大家開心Share我的傳統褂鞋.
我係一位酷愛中國風嘅準新娘子, 就連我喜帖都係挑選個種中國剪紙鴛鴦圖案(寓意成雙成對的意思)
所以今次褂鞋我又點可以錯過著傳統繡花鞋嘅機會!!
不過當中有個小小美中不足, 我無選擇褂王、褂后、大中小五福作為大婚當日嘅褂, 而係選左色彩較豐富的潮褂.
皆因小黑先生樣子比較童顏(點解童顏個個唔係我, 嗚….) 如果揀著傳統褂, 就會顯得我有點老, 所以潮褂就活潑一點, 可以顯得可愛一點(但明明我要走清新風格架ma)
為左配合我套潮褂嘅豐富色彩, 又要有傳統龍鳳圖案, 我就開始密密上淘寶搵鞋啦.
我目標清晰:
-紅色繡花鞋
-要有龍鳳圖案
-平跟 (小黑先生只係高我5cm ,怎不能高過佢. 我都有170cm 高, 所以著平跟都無太 大所謂)
-要有39/40碼 (因為我係大腳八)
只要搜尋時輸入關鍵字眼: 新娘鞋 紅色 繡花
就會列出一大堆各式各樣嘅繡花鞋
又因為褂鞋只係著一個早上, 我又唔想花太多錢落呢個item喥, 所以盡量搵平、靚、正(我承認此女子有點麻煩)
最後經過一輪爭扎同篩選, 就揀左以下呢款
價錢RMB 45 + RMB 7(內地運費)
收到實物後, 真的100%喜歡+滿意, 質量很好, 而且鞋的碼數是正常的, 沒有偏大或偏小. 我買的是40碼 .
呢個價錢真心覺得抵, 如果真的要挑剔就係龍鳳身上有很多線沒有剪走, 需要自己動手剪一剪.唔會影響品質
(*圖片的鞋是已經經過修剪的樣子)
之前上網睇過好多攝影師都會影婚禮周邊的物件
而褂鞋更係其中一個亮眼焦點
(圖片取自Artfeeling production, 如有任何問題請告知)
所以我就決定再淘一對有刺繡的鞋墊, 增加褂鞋的美觀度
刺繡鞋墊其實近呢1、2年開始受歡迎, 見到好多新娘子都會使用.
所以我早早就決定好買褂鞋時要一同買鞋墊
不過唔係間間賣繡花鞋的店舖都會同時有鞋墊買, 今次我就需要額外分開淘寶店買
只要搜尋時輸入關鍵字眼: 結婚鞋墊 繡花鞋墊
就會列出一大堆各式各樣嘅繡花鞋墊
講真, 我睇過好多間鞋墊款式幾乎都一樣, 只係揀邊間比較平
因為淨係買一對的原因, 我都係搵D可以一對包郵的店舖
最後就揀左一款有鴛鴦戲水同牡丹花刺繡的款式
價錢也相當合理RMB 13.80 (包大陸運費)
*記住鞋墊要比鞋子買細一個碼先至正確.
我今次低B左, 買左40號. 不過都塞得入對鞋內.
呢款鞋墊完完全全同我的褂鞋好配合, 牡丹跟褂鞋上的牡丹一樣的.
所以加左對鞋墊後, 褂鞋整體沒有任何遺和感覺.
自己試一下拍照, 都覺得好美哦~
到時要提下我個攝影師, 幫我對靚靚褂鞋影多幾張相先.
俾你地做個參考, 著上腳的效果是這樣的
今次褂鞋連鞋墊都只係買左RMB 65.80, 計返唔過港幣一百元.相當抵呀.
有興趣的B2B可以做個參考哦.
希望大家喜歡我的分享!!
下次跟大家分享我最後決定的大日子婚紗同禮服, 不要錯過哦!!
