作為準新娘子, 大家應該都係同我想法一樣, 想各方面盡量慳之外, 都想個婚禮保留住自己個人特色.
雖然諗法係矛盾, 但女人就係咁, 邊個唔想擁有自己Dream wedding.
距離婚期仲有大半年, 年糕就開始密密開動我無咩美感, 又好笨拙既DIY MODE. 今次就想介紹一下阿里巴巴俾大家知道.
阿里巴巴同淘寶既分別在於, 阿里巴巴只做批發, 價錢比淘寶平, 但訂購時必須Order最低數量(批發數量); 而淘寶就做零售, 可以單件或少數量購買, 所以相對價錢會比較高.
年糕今次就試左係阿里巴巴訂做貼紙. 我係淘寶格過價, 如果做5x5cm die cut貼紙, 我要數量200PCS, 每張最少RMB 1.5, 仲要唔包內地郵費. 計計埋埋要最少RMB 310.
但我係阿里巴巴訂起批數量 1000PCS, 連賣家包郵都係RMB 230. 而且收到實物效果十分滿意. 基本上無咩地方要挑剔. 而且我係有1000PCS, 真係豪氣咁貼都得.哈哈~
依家就等我分享俾大家點訂做啦.
如果你平時有用過淘寶, 咁一定難你唔到. 因為阿里巴巴個介面同淘寶有90%相似.
都係於搜索個喥打keyword搵你想要既野.
而我會先睇下之前買家比店鋪既評語而決定用邊一間.
仲有, 每一間批發量都會唔同, 呢D小物件通常要求1000PCS起批, 而大件例如鞋、姐妹裙等等就會接受2件起批.
*阿里巴巴有個唔好處就係你只可以睇到買家評語, 但就無得俾買家購買後放上貨物實拍.
如果你係logo上無咩idea, 店舖內會有一D sample俾你參考, 又或者你可以將你要求話俾個客服知, 叫佢幫你Design. 基本上唔複雜既logo, 佢地都係免費設計.
而我原本有個卡通公仔, 我將卡通個AI file連同自己要求清楚標示出一張圖, 之後send俾客服. 叫佢地幫我畫.佢地會先報價, 如果你覺得價錢OK先落order整.
佢地收到之後我個要求, 30分鐘就俾個圖我批(可能我個logo比較簡單)
但因為藍色出黎效果無我想像中靚, 所以我就叫客服幫我改做粉紅色.
唔洗5分鐘就改好再俾我批. 效率好快.
最後都係選擇粉紅色比較好睇.
大概等3日左右就出貨, 而每份貼紙外圍都會有張sample貼住
貼紙會用橡筋扎好, 而且收到實物真係好興奮.
每張貼紙都已經die cut左, 所以撕出黎就係同當初確認既圖一樣.
我加左光膜, 貼紙面有一層薄膜, 防止容易撕爛. 實物有一點點暗, 不過唔影響品質.
依家有1000pcs, 真係點用都唔怕唔夠, 而且計返都係RMB 0.23一張. 我個Candy Corner 都可以拎呢D貼紙黎用.
**提提大家, 圓形、方形呢D普通形狀會平好多. 如果我整5cm圓形款, 都係RMB 170. 足足平RMB 60. 但始終die cut係靚好多~
**************************************************************
免責聲明:本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢或尋求相關專業意見。
如需協助或希望獲得更多有關產品資訊, 請直接聯絡該品牌查詢或尋求相關專業意見。
歡迎邀稿│合作試用│出席活動:
年糕 email: lincolefu@yahoo.com.hk
