妹妹得知銅鑼灣開左一間以賭城為主題的餐廳, 一直話想去試下.
我呢個順得人家姐, 當然要陪埋佢去啦.
Little Vegas無論於餐廳外的牆身, 或是餐廳內的佈置都裝飾到很富賭城色彩
*姐我的拍攝技術還不錯哦, 隨手一拍就令我妹好有時裝雜誌模特的感覺
店內空間不算大, 而等位食飯的人卻有好多.所以大家預左要等位.
晚市入座後計, 90分鐘進食時間. 個人認為時間有點緊迫.
而每張枱都會有精緻的擺設, 有屋仔形鹽樽. 而繽紛的杯內更裝住糖果, 而且是免費的.
餐牌封面的圖案玩味性十足
飲品款式選擇也不少., 而且也很有特色
餐牌上的菜式選擇不算太多, 西餐的價錢來說, 也是合理的.
黑松露野菌長通粉
(Mixed Mushrooms Penne with Black Truffle Sauce)
一上枱時已經聞到好香的黑松露味道, 即刻流口水
而長通粉煮得煙韌度剛剛好, 不會太硬或過軟, 口感很不錯. 而且黑松露真的要配野菌才是最夾, 因為野菌的淡淡菇味才不會蓋過黑松露的濃香
經典班尼迪蛋 (Classic Benedict)
切開面上的半熟蛋, 睇住蛋黃汁流出來, 即刻感覺好吸引
味道方面, 整體味道ok, 因為呢個好難整得唔好食.
不過個人不喜歡個醬汁, 因為醬汁略帶酸
招牌燒烤醬焗豬肋骨
豬肋骨分量不算大, 只有4件. 跟伴菜各佔一半的分量.
豬肋骨的味道很夠味, 而且面上有BBQ和蕃茄的醬汁, 所以很濃郁.
而且豬肋骨的肉也不會焗得過熟, 咬落去都比較腍. 所以唔怕咬唔斷.
而沙律菜拌有醋汁, 所以食落酸酸的好開胃, 可以中和豬肋骨的油膩感
個人比較喜歡食豬肋骨, 這個我比較推介大家試一下
小結:
餐廳員工效果高, 而且會留意到顧客需要. 自動收拾碟、加水. 另外上菜速度好快.
不過90分鐘的進食時間真的不足夠, 希望可以延長一點就比較好.
但整體都好滿意, 是一間令你會再回頭的餐廳.
LITTLE VEGAS
銅鑼灣耀華街3號百樂中心25樓
TEL: 2622 2369
**************************************************************
歡迎邀稿│合作試用│出席活動:
年糕 email: lincolefu@yahoo.com.hk
