籌備2年多嘅婚禮終於係12.12.2015圓滿完成啦!! (鼓掌)
朋友都會問,整個婚禮籌備咁耐, 完婚之後有無失落感.
講真…失落感就真係唔多, 但興奮就更加多. 因為絡絡續續聽返親朋好友對當晚婚宴嘅Feedback, 大家都覺得安排好好. 無論場地、食物質素、佈置、婚禮流程都覺得好順利同氣氛好好. 呢個已經令我覺得自己花咁多心思落個wedding喥係值得架.
黎緊會同大家分享我婚禮用過嘅vendor, 希望提供更多資訊俾B2B啦.
頭炮就先分享我個可以用手機下載相片嘅Photo booth~
由一開始籌備婚禮開始, 我就已經好想大婚當日可以有PHOTO BOOTH. 最後我揀左 D & S Production 個數碼PHOTO BOOTH. 因為價錢合理囉!!
*想知道點解會Join photo booth, 可以睇前文click here
我略略講下數碼PHOTO BOOTH嘅運作:
場內有D & S Production工作人員協助賓客影相, 影完相將照片直接Download落手機(唔出相紙),只要賓客手機內有LINE/ WeChat或QR Code Reader就可以下載相片落手機. 方便簡單. 仲可以即時分享至任何社交平台.
大婚當日大概3:30pm交場, 而D & S Production大概4點左右到. 聽返姐妹講, 佢地好快手, 4點半就已經set好晒整個Photo Booth.
D & S Production提供拍照嘅道具有好多款, 兄弟姊妹們都忍唔住自己去試玩左先.
下午觀禮完的賓客都好守秩序排住隊等影相
*所有拍照道具由D & S Production提供, 如有特別需要的pops, 可以事先同D & S Production提出. 不過可能會另外收費的哦.
我自己當然唔會錯過試玩呢部數碼相機啦, 仲可以一大班人柴娃娃迫埋一齊影相, 好好玩.
拍照人數因應相框大細而定, 而我的相框最多可以迫到6個人.
而準備影相時, 工作人員會幫忙遷就鏡頭, 調較最好的角度.
影相時可以望住呢個屏膜, 影完相仲可以寫祝福語句.
我之後再收集返當日有玩過嘅賓客意見, 大多數人都覺得用數碼Photo Booth比平時出相紙嘅好玩.
因為可以即時dl落電話, 唔需要花太多時間等部機出相片. 仲大讚D&S 嘅道具有好多款, 影起相黎好開心.
最好玩係兄弟姐妹試玩完個photo booth, 就whatsapp張相俾我睇, 我個時仲係新娘房化緊妝. 搞到我都勁想衝出去一齊玩影.
事後同小黑先生傾返, 好彩婚禮最終都有Join Photo booth, 因為見住個個賓客玩得好開心, 係值得嘅~ 最重要衡量過價錢唔貴, 係可以負擔範圍內. 就想婚禮有更多亮眼點.
另外一個重點就係D & S Production工作人員好有禮貌同好守時. 我好著重呢兩點, 而佢地都做到.
婚禮後第2日已經收到D & S Send俾我嘅相片links. 我可以一次過睇返有邊幾個賓客影過相, 有時睇到佢地趣怪表情都會忍唔住笑.
希望大家喜歡我的分享!!
