於香港開設的日本拉麵店可說是開得成行成市, 總有一間在附近.
而近年要集中找拉麵店, 非銅鑼灣時代廣場附近的街道莫屬.
同老公係附近shopping完, 就轉入登龍街覓食, 今次就試下呢間啦!!
首先就係俾Bari-Uma店門外的霸氣廣告字給吸引
而當時是下午2點左右, 店內人流剛好不算多, 座位間又唔迫, 想搵個舒服地方坐一坐.
所以就好快決定係呢喥用餐啦.
呢2個係店內的特別推介, 以生姜做主的拉麵真係未試過.
怕姜味太濃, 所以無揀推介的款色.
唔知點解, 睇到個餐牌, 覺得間餐廳成個感覺好霸氣
不過好彩店員態度唔會囂張霸氣, 服務同態度都十分好.
餐牌內是圖文並茂, 好適合我呢種要看圖點菜嘅人
有時淨看文字, 我真係想像唔到碗麵會係咩樣. 而且有圖片更增加食慾感.
照燒餃子 HK$ 38
先來一客小食, 日本餃子比中式餃子細長. 而且皮也較薄, 個人比較喜歡
餃子只煎得底部香脆, 塗上照燒汁, 味道帶有少少甜.
食的時候再沾上少少餃子醋, 減少油膩感.
餃子皮薄餡靚, 咬落去內里係豬肉同菜. 餡料份量剛剛好, 豬肉味道濃郁, 加上菜本身帶有的甜味. 所以很不錯.
雞叉燒味玉雞白湯拉麵 HK$ 88
我見好少拉麵店會有雞叉燒拉麵, 就即管試下.
先飲一啖湯, 是雞湯來的, 湯底比較清, 沒有豬骨湯的濃郁. 適合不喜味濃的朋友.
雞肉很軟滑, 而且沒有一點不嚡口. 反而雞肉味道濃郁, 肉質有彈性, 口感很好.
玉子做到流心的效果, 比起溏心不流的玉子, 我更愛呢個.
特盛炙燒豚肉拉麵 HK$118 +味玉 HK$10
一上枱, 睇到拉麵上的五花腩賣相已經相當吸引
呢個湯底口感比較香淳, 有濃郁的豬骨味, 而且帶有點點微辣.
豬肉選用五花腩, 一層瘦肉一層肥肉相間, 油分相當充足.
咬落去肉質相當稔, 肥肉部分燜得很綿. 油脂於口腔內游走, 真係味覺上的享受.
很值得推介.
另外多加左味荀同粟米 (各HK$10), 配菜一碗份量都唔算細.
2個人食各分一半配菜都覺得多.
總結:
食味質素同味道都很不錯
店員服飾好, 而且很主動添水或收碟
下次仍會再幫襯
Bari-Uma 廣島霸嗎拉麵 Ramen Bari-Uma
銅鑼灣登龍街28號永光中心地下
TEL: 2180 9172
**************************************************************
歡迎邀稿│合作試用│出席活動:
年糕 email: lincolefu@yahoo.com.hk
