有時星期六都要返工真係好痛苦
幸好有細妹專登過黎公司附近陪食LUNCH, 食好DD, 個人都會開心DD.
Pizza Piazza位於大馬路旁邊, 位置顯眼又容易搵.
平時返工行過, 透過玻璃望入店內見到佈置簡單
到當日進入店內, 令人感覺都係走溫暖簡朴風格.
在荔枝角地區, 不收取服務費的餐廳真係少之又少.
為左令有選擇困難症的我可以輕易作出決定, 就由SET LUNCH入手.
SET LUNCH都有8個選擇, 而且以意粉的菜色為多
因為2個女仔關系, 所以決定ORDER了一個SET再外加一個主餐就足夠啦!
是日跟餐湯是西蘭花湯, 味道比較清淡.
飲用時, 再加少少黑椒提味會更好
黑松露菌意粉 LUNCH SET HK$108
一上枱已經聞到濃濃的黑松露香味, 而味道方面很不錯.
這個意粉蘑菇很多,而忌廉汁包圍住每一條意粉,雖然一整碟會有點膩, 但每食一口意粉都好滿足.
這家店的意粉原本就比較硬,
如果有特別要求的,落單前可以告知需要的軟硬度哦.
肉醬千層麵 HK$68
很愛這個千層麵, 首先蕃茄醬汁用上蕃茄+蕃茄膏去做. 不是坊間是是旦旦的蕃茄醬制作.
醬汁上食得出一粒粒的蕃茄, 增加口感.
每一層麵都有足夠的牛肉和蕃茄粒, 可見是真材實料.
千層麵做到好軟稔, 但口感又不會太糊口.
加上面層的芝士焗到有拉絲的效果, 美味無比.
這個推介給大家哦~
跟餐免費餐飲叫了HOT COFFEE, 而且還附送拉花圖案
令人有喜出望外的感覺.
另外跟餐加HK$15要左個粗薯條
剛炸起上枱的粗薯熱辣辣的, 十分好味. 而外脆內軟的口感不說笑的, 真係會一條一條接住食.
薯條用的蕃茄醬都好有心思, 係用蕃茄+蕃茄膏去做.
後記:
餐廳雖然出名係PIZZA, 今次無緣試, 但下次一定會再光顧.
另外餐廳服務很好,做事都好快速
食物質素都係水準之上, 所以點會唔再食呢?!
Pizza Piazza
荔枝角長沙灣道883號億利工業中心地下1A室
2370 0530
**************************************************************
歡迎邀稿│合作試用│出席活動:
年糕 email: lincolefu@yahoo.com.hk
