約好左跟朋友wing食飯, 經身邊為食一族介紹, 知道係石屎森林嘅尖沙咀內有間好有情調的露天西餐廳, 竟然有人推介就決定星期一晚跟朋友浪漫一下.
餐廳地點好就腳, 就係the one附近, 唔難搵到.
我地book枱時無特別要求座位, 但當晚食客唔算多, 我地都好早到, 所以安排左戶外嘅露天位. (可惜香港光污染嚴重, 睇唔到星星)
戶外環境比較浪漫同有氣氛, 圍欄位置都掛滿小燈泡,感覺都無咁局促. 如果想食飯時私人空間感大一點, 就要選戶外啦. 建議book枱時要講清楚呀.
餐廳情調好, 姐妹聊天或情侶拍拖都好適合.
室內環境偏暗, 但一樣好有情調, 氣氛一流.
我地揀左set dinner, 每人只需要HK$398 (需要連加一)
價錢不算貴哦~
先上左麵包, 他們自家制的麵包味道好香哦, 而且好鬆軟.
油醋就由自己倒, 想要幾多都可以.
Cold Appetizer
哈密瓜, 西班牙風乾火腿(17個月)伴意大利陳年黑醋橄欖油
第一道菜就係我最喜歡嘅西班牙風乾火腿, 不得不讚火腿肉嫩, 入口有種柔軟感, 而且沒有一點騷味. 鹹香味濃, 再配以甜蜜瓜同食, 好有甜蜜感.
Salad
沙樂美腸田園沙律配無花果乾柚子蜜黑醋汁
呢個田園沙律用料有別於其他餐廳, 喜歡沙律內多種類的蔬菜, 有沙律菜、青瓜、洋蔥、無花果同沙樂美腸
整個沙律口感相當豐富, 特別加入的乾柚子蜜黑醋汁是整個沙律靈魂, 味道相當香, 而且酸酸甜甜的十分開胃.
當晚有黑松露湯同龍蝦湯2款選擇
我當然Order最愛的黑松露湯. 上枱時已經聞到陣陣黑松露香氣
入口時感覺真係無得頂, 松露香味很重, 飲完後口腔仍留有陣陣餘香
主菜選左香煎深海石斑柳伴水瓜柳白酒牛油汁
首先魚肉烹調得很嫩滑, 而且魚味重, 一點都唔會腥.
魚的底下配料用上紫薯, 香甜之餘可以增加飽肚感, 連同紫薯和魚肉一齊進食, 紫薯的天然甜味有提鮮作用.
而水瓜更搭任當中很重要角色, 因為水瓜獨特味道, 令呢道菜生色唔少, 但又唔會蓋過魚鮮味, 值得推介.
是晚甜品都一樣好有水準.
朋友的係法式焦糖燉蛋, 呢個燉蛋唔太甜
我揀左牛乳奶凍, 奶凍入口很滑, 而且有濃濃的牛乳香味. 味道很適中, 唔會太甜, 唯獨份量太多, 食完好飽呀. 但又真係好好味, 你話係未好矛盾呢!
後記:
餐廳環境很不錯, 食物水準高, 每款都好有特色.
侍應方面都值得一讚, 每樣菜上碟都會介紹
辦事效率都好高, 態度仲好好.
下次一定會再黎架
Le Paradis Restaurant & Cafe
地址 : 尖沙咀加連威老道41C嘉威大廈4樓A室
電話 : 2311 0101
**************************************************************
歡迎邀稿│合作試用│出席活動:
年糕 email: lincolefu@yahoo.com.hk
