有日朋友說要來個私房菜約會, 我仲以為係食中菜.
直到朋友傳來菜單, 叫我選擇想要食的款式, 我先知道西餐都有私房菜.
Luxury是一間不做walk-in客人的餐廳, 真的極之低調.
想在這裡食飯, 就必須要事先預約.
餐廳會事先將餐牌給我們選擇, 之後就透過電話溝通, 確認想要食的菜色就可以啦.
Luxury可說是低調餐廳, 因為餐廳連門牌都沒有.
當日我們在餐廳門外猶疑左一陣先識按門鐘叫人開門
一入門口, 就見到一處接待客人的地方
十分簡潔的佈置, 但又給人乾淨俐落的感覺
牆上掛住有紀念價值的照片, 是餐廳負責人嗎?
餐廳整體裝修以簡約為主, 氣氛令人感到舒服
而且每晚招待人數不算多, 所以讓食客們有更多私人空間
採用開放式廚房, 令廚師同食客距離拉近
我地仲可以近距離看到廚師的烹調技術
我地選左5道菜的餐單, 分別會有:
Starter + Soup + First Main + Main + Dessert
首先來一客熱騰騰的自家制麵包
最有印象的就係黑色墨汁麵包, 雖然食唔出墨汁味, 但賣相顏色已經好吸引
另外欣賞廚師特別調制的蕃茄千島醬, 有淡淡的蕃茄味, 塗上麵包同食, 很不錯.
Starter我揀左白松露油凱撒沙律配西班牙火腿
沙律上枱時有點傻眼, 因為係用個大碗盤盛載沙律
但原來碗大的用處係俾你自己拌勻沙律內的醬汁、蔬菜, 感覺很有趣.
沙律菜是食得出的新鮮爽脆, 而且松露味道很濃郁, 清清地, 是一個很好的開始.
湯品方面選左意大利黑松露野菌忌廉湯
一睇就知我係黑松露的忠粉, 真的很愛黑松露的獨特味道.
這個湯比較稠密, 入口除左有濃濃的黑松露香味,野菌不是完全打成蓉, 仍留有細小粗粒口感. 是雙重的味覺享受.
First Main 是北海道帶子龍蝦汁意大利飯
意大利飯上的可是珍寶帶子來的吧?! 相比出面平時食的餐廳尺寸, 這個有夠大粒. 廚師烹調技術好, 兩邊煎得微焦, 內里應該只有7~8成熟, 所以入口仍然很嫩滑.
意大利飯的濕潤度適中，而且粒粒飽滿, 龍蝦汁精華完完全全地滲入每粒飯內. 美味無窮.
主菜是有骨豬鞍、焦糖菠蘿酥皮千層
其實食到First Main時已經覺得有點飽啦, 但主菜的豬鞍又好吸引呀!
豬鞍雖然不是厚切, 但肉質完全不嚡口, 有咬勁.
很有肉味, 整體不錯.
但我的焦點完全放錯左係個配菜焦糖菠蘿酥皮千層
這個無敵好味道, 焦糖菠蘿酸酸甜甜的, 而且經烹調過的菠蘿味道更濃郁.
最後當然不少得甜品啦, 我選的是綠茶森林(綠茶奶凍、紅豆丸子雪糕)
整道甜品都是廚師自家制的, 難怪味道比外面的好.
先說綠茶雪糕, 綠茶味道很濃, 跟你一口口吃著綠茶粉無疑, 配上紅豆丸子, 人口感QQ彈彈, 我還略厭不夠喉呢
奶凍也很不錯, 但因為綠茶雪糕太強啦, 所以相比之下比較遜色, 奶味不算重, 只有淡淡的綠茶味. 建議大家食這個甜品時的次序應該由奶凍開始.
Luxury
尖沙咀柯士甸道114-116號地下
3483 3673 / 9636 8891
**************************************************************
歡迎邀稿│合作試用│出席活動:
年糕 email: lincolefu@yahoo.com.hk
