見朋友係Facebook一連串分享好幾張可愛的貓咪照片
細問之下原來佢去左一間貓Cafe, 難怪照片中有好多隻不同品種的貓貓.
難抵貓貓的萌樣, 所以快快手約好閨蜜,問左café電話, book左時間上黎玩下.
Mr. & Mrs cat café位於銅鑼灣心臟地帶,
鄰近希慎廣場, 所以地點非常易找及就腳.
Café是樓上鋪, 於大廈外牆就會見到招牌, 不怕找不到.
進入店內第一件事,就是 每一位客人都需要用消毒藥水搓雙手, 再換上已經消毒乾淨的拖鞋.
餐廳的座位不多, 分別有日式榻榻米及方枱座位
每張枱之間都有一定距離,有足夠空間給予貓咪給客人互動
雖然好想坐榻榻米, 但因為已經被人訂座啦, 唯有下次早少少book枱.
Café平時限時2小時, 如果當日沒有太多book的話都可以讓客人多逗留.
店內擺設基本上為貓咪而設, 以貓為中心才是皇道
跟貓貓交流前, 大家請先閱讀店內的細制, 要做位尊重及愛鍚貓貓
這是貓Café的貓咪資料, 當中不少是名種貓，例如波斯貓等
還有聽說其中有些貓咪都是領養回來的呀, 給無家可歸的毛孩一個家.
呢喥貓咪好可愛, 而且仲好為食. 每枱俾HK$25就可以餵貓咪食野.只限每枱一次.
你睇下, 一有食物係手, 貓咪就會一擁而上.
食物方面,選擇真的不算多,都是以輕食為主
我地每人都ORDER一杯飲品及一份主食
首先上枱係朋友的熱溶貓爪朱古力牛奶 HK$88
玻璃杯內有可愛的貓咪肉爪圖案朱古力, 只要將熱牛奶倒入杯內再攪勻, 朱古力奶就完成啦!
Café採用的奶味很濃的牛奶, 配上朱古力, 香濃幼滑.
我要的是Latte HK$88
LATTE的做法跟出面店舖的不同, 因為是咖啡跟牛奶分開上的.
大家可以按自己喜好的份量將咖啡倒入牛奶中.
我比較喜歡奶味重的咖啡, 所以就只落左2/3支的咖啡.
主食就來一客冷稻庭烏冬配自家調配鏗魚昆布汁 HK$68
烏冬是先煮熟, 再用冰水過冷河, 除了食落有透心涼的效果, 也增加彈牙口感
食的時候將芥末、大蒜、生姜等放入鰹魚汁內拌勻
烏冬沾上自家製的鏗魚昆布汁, 可說是非常清新.
另外一個就是熱的濃香鮮蕃茄醬汁釜揚烏冬 $68
上枱時就見到鳥冬上鋪滿濃郁的蕃茄醬汁
鮮蕃茄醬汁內埋有清甜的洋蔥粒, 因為醬汁稠密, 所以可以掛於烏冬上.
每條都充滿茄醬汁, 口感一樣有爽口彈牙. 味道很不錯
最後就係鮮焗磨菇芝士鹹牛肉蕃茄寶盒 HK$48
這個寶盒做法好簡單, 就係將蕃茄、磨菇、鹹牛肉拌勻再鋪上芝士一齊焗
整個寶盒口感好豐富, 就係一口有齊3種材料.
裡面主要是蕃茄味較突出, 鹹牛肉則相對味淡.
加上磨菇口感, 整體不錯. 而且可以整個寶盒都食落肚呢!!
Mr. & Mrs. Cat Café
地址: 銅鑼灣富明街2-6號寶明大廈1樓L室
Tel: 5116 1244
**************************************************************
歡迎邀稿│合作試用│出席活動:
年糕 Email: lincolefu@yahoo.com.hk
年糕 Facebook: https://www.facebook.com/LINCOLE.LIN.GO
年糕 Instagram: http://instagram.com/Lincole_happy
