由搞結婚開始,已經好想大婚當日可以有PHOTO BOOTH
之前參加過朋友婚宴時試玩過, 覺得很有趣.
而且仲可以同一班朋友一齊影相, 勁開心.
不過從我join左即場派相後,就慢慢擱置左呢個念頭啦!!
因為同小黑先生商量過, 有幾個原因:
-我地唔整回禮禮物, 以即場派相代替. 因為我地兩邊長輩比較多, 所以派相係最好嘅選擇.
-PHOTO BOOTH每次只會出1、2張相, 如果一大班人影相, 就未能滿足到所有人
-出相時間比較慢, 等候時間長
-價錢貴又係另一個重要問題
以上種種原因, 所以我基本上已經採取放棄狀態.
點知有一日同個朋友A食飯. 我地大家都搞緊結婚, 平時都會分享結婚資訊.
朋友A話佢最近JOIN左PHOTO BOOTH, 因為是朋友新開的workshop, 做緊優惠, 價錢相當合宜.
而且是影完相, 直接Download落手機(唔出相紙), 可以俾賓客用手機app修改圖片(美圖秀秀)或即時分享至任何社交平台.
聽完真係100個心動, 因為價錢真係好吸引, 最後小黑先生都點頭可以用呢部PHOTO BOOTH.
(圖片取自D&S Production, 如有問題請告知)
我上過去試玩過部機, 以下有少少心得!!
數碼PHOTO BOOTH好處:
✔ 影完相可以直接下載至手機, 即時分享上網
✔ 拍攝時間比較快, 縮短賓客輪候時間
✔可以於照片上寫祝福語 或 加圖案
✔價錢比較優惠
數碼PHOTO BOOTH壞處:
✖ 需要場地有WIFI(如沒有, 製作公司也可以提供,即時下載及分享服務有機會受網絡幅蓋所影響)
數碼PHOTO BOOTH外型好似一部電視機, 機頂置有拍照鏡頭.
製作公司會於場地提供基本佈置及不同拍照道具.
而拍攝實況就好似上圖咁
*我諗到時婚禮, 我會盡量安排一個比較淨色背景的地方用來放置數碼PHOTO BOOTH.
咁樣背景會影出黎比較好睇.
製作公司要求提供2張橫向的照片作照片背景之用, 佢地會提供設計. 所以有任何要求都可以提出.
而我就偏向唔需要太花巧, 所以揀左以下2款.
為左可以令個相框空間更大, 令更多賓客可以入鏡,我都偏向揀人物偏側一邊的照片俾製作公司.
佢地由收到照片到俾設計確認都好快. 而且仲有問必答.
依家最期待的就係想知道賓客們的反應, 希望到時順順利利啦.
而我就會於婚前Create 一個#hashtag , 等賓客 upload上FB, IG時打返呢個#hashtag. 咁我到時都可以聽化妝換衫都睇到邊個玩過部機. 哈哈…係未好醒呢!!
希望大家喜歡我的分享!!
