5月尾,一直頻頻落雨. 相約好朋友到尖沙咀行街, 沒預料到遇正紅雨.
因為雨勢大得有遮都會整濕全身, 所以2個人急急搵間餐廳避雨, 食住tea, hea時間.
我們選了最近當時位置的Dabyida, 呢間餐廳我來過食晚餐, 食tea就未試過. 不過記得於openrice睇過tea buffet都好多人讚.
當日我們大概3:30pm入座, 但因為紅雨關系, 連我們在內只有3枱客人.
被安排坐窗口位, 所以坐得超舒適的.
Tea Buffet的餐牌內分有A-D的價錢, 而且是半自助餐的形式. 冷盤、沙律、甜品都需要自取的.
自取的冷盤、沙律、甜品位於餐廳盡頭的小房內, 選擇種類不算多, 但每樣試一點點, 都已經足夠填飽個胃.
冷盤區有肉腸、火腿、芝士及水牛芝士4款
沙律區只有沙律菜及長通粉沙律2款選擇
甜品區的甜品也只有6款, 不過就有馬卡龍、朱古力蛋糕, 這種比較吸引的甜品選擇
頭盤方面, 我每款取少少, 食得出食材很新鮮.
主菜方面, 我們order了 selection B(HK$ 208)香辣蒜蓉意大利腸炒意粉和selection D(HK$ 268)糖醋蒜油香煎鵝肝
糖醋蒜油香煎鵝肝
這個鵝肝不得不讚一下, 外層煎得微焦, 而內裡仍然保持軟滑, 有入口有即溶化的效果
而鵝肝伴以甜酸糖醋汁, 再連青蘋果一同進食, 可以即時減低鵝肝的油膩感覺,真的很不錯.
香辣蒜蓉意大利腸炒意粉
這個炒意粉味道算是不過不失, 意粉的麵質煙韌, 而且軟硬程度剛剛好.
甜品方面就當然食我最愛的馬卡龍. 聽說甜品是外購回來的, 不過質素也不錯.
馬卡龍同蛋糕同樣不會太甜
最欣賞這件朱古力蛋糕, 外表看似甜到瀉的朱古力醬, 但其實一整塊蛋糕都只是微甜, 不會甜到如似食砂糖的感覺. 而且蛋糕有滿滿的朱古力味, 很軟滑.
最後HEA左2個鐘,餐廳無論食物同服務各方面都好好. 因為始終得我地3枱客.
同朋友更笑說, 邊有人會似我地咁, 避雨避到去餐廳食鵝肝咁招積. 如果次次避雨都食咁貴, 荷包一定會乾溏.
Dabyida Restaurant and Bar
尖沙咀棉登徑5-6號鋪地下
TEL: 2739 1228
**************************************************************
歡迎邀稿│合作試用│出席活動:
