呢間喺天悅廣場嘅「Good BBQ 好燒味 」，茶餐廳嘅格局，除咗主打燒味外，仲有好多唔同小菜可供選擇。朋友推介店內其中一道最新人氣食物，就係核蛋叉燒飯。
核蛋叉燒飯
所謂核蛋，即係日本温泉蛋。先講主角叉燒，半肥瘦嘅肉質軟腍，油脂又甘香，果然有驚喜。有時喺其他食店食嘅叉燒，一係就好乾身，一係就肉質好硬。
食嘅時候，將温泉蛋篤爛，蛋汁慢慢流出，夾埋叉燒同飯一齊食，正！今次食到嘅叉燒飯，水準高之餘，最重要係價格相宜。
所謂核蛋，即係日本温泉蛋。先講主角叉燒，半肥瘦嘅肉質軟腍，油脂又甘香，果然有驚喜。有時喺其他食店食嘅叉燒，一係就好乾身，一係就肉質好硬。
食嘅時候，將温泉蛋篤爛，蛋汁慢慢流出，夾埋叉燒同飯一齊食，正！今次食到嘅叉燒飯，水準高之餘，最重要係價格相宜。
荷葉金針雲耳蒸滑雞
侍應話今日荷葉賣晒，介唔介意無用荷葉去蒸，我地話無所謂啦。呢碟應該差唔多有半隻雞嘅份量，雞肉好滑，好夠味。由於加咗唔少冬菇一齊蒸，所以帶有陣陣菇香。由於我本身都幾鍾意食金針，但略嫌金針數量唔多，得幾條，唔夠喉呀！
侍應話今日荷葉賣晒，介唔介意無用荷葉去蒸，我地話無所謂啦。呢碟應該差唔多有半隻雞嘅份量，雞肉好滑，好夠味。由於加咗唔少冬菇一齊蒸，所以帶有陣陣菇香。由於我本身都幾鍾意食金針，但略嫌金針數量唔多，得幾條，唔夠喉呀！
栗米魚肚羹
HK$48價錢，咁嘅份量，重要係足料好飲，真係無得輸！魚肚無腥味，料十分多。基本上每一口都會食到魚肚。抵讚嘅就係生粉份量落得啱啱好，因為有時如果師傅落得多，會杰身得滯，會好「漿」，但如果落得少，又會好稀。所以今次食呢個羹，真係唔錯！我同朋友各自飲左兩大碗之後，都仲有一整盒打包番屋企，証明份量真係好多。
HK$48價錢，咁嘅份量，重要係足料好飲，真係無得輸！魚肚無腥味，料十分多。基本上每一口都會食到魚肚。抵讚嘅就係生粉份量落得啱啱好，因為有時如果師傅落得多，會杰身得滯，會好「漿」，但如果落得少，又會好稀。所以今次食呢個羹，真係唔錯！我同朋友各自飲左兩大碗之後，都仲有一整盒打包番屋企，証明份量真係好多。
梅菜蒸鯇魚
份量同樣好大，食得出鯇魚好新鮮，無咩魚腥味同埋泥味。大大舊嘅魚腩位好滑嫩，蒸嘅時間啱啱好。梅菜夾埋鮮魚汁嚟泡飯，真係不知不覺食咗好多飯。
份量同樣好大，食得出鯇魚好新鮮，無咩魚腥味同埋泥味。大大舊嘅魚腩位好滑嫩，蒸嘅時間啱啱好。梅菜夾埋鮮魚汁嚟泡飯，真係不知不覺食咗好多飯。
菠蘿咕嚕肉
呢個咕嚕肉嘅味道唔錯，但比較遜色嘅地方就係咕嚕肉唔夠脆身，偏腍。
呢個咕嚕肉嘅味道唔錯，但比較遜色嘅地方就係咕嚕肉唔夠脆身，偏腍。
好燒味茶記GOOD BBQ
TE: 2885 1700
地址: 筲箕灣天悅廣場地下L3-L5號舖
*************************************************************
歡迎邀稿│合作試用│出席活動:
年糕 email: lincolefu@yahoo.com.hk
