剛過去的星期六參加左Fashion & Beauty舉行的磨砂玻璃杯工作坊.
是次的體驗真係好特別, 因為真的沒有試過於玻璃杯上畫圖案,
而且還是出自手殘的我. 哈哈…太新奇啦!!
所以好想同大家分享下我的手殘作品. (但個人覺得完成品已經有70%跟原圖相似的啦)
到達工作坊時, 每張枱都放左4個玻璃杯款俾大家選擇.
分別係: 香檳杯、紅酒杯、高身水杯同矮身水杯
而我就揀左香檳杯, 因為感覺較高貴.
等大家都揀左喜歡的玻璃杯之後, 導師就開始講解要點樣於玻璃杯上畫圖案.
之後就分發圖案紙俾大家選擇, 但只可以揀選工作坊預先預備的圖案.
如果你另有心水圖案則需要自己起稿手畫啦. 手殘女生當然選大會安排的比較妥當.
呢支就係用黎畫圖案上玻璃杯的”轉轉筆”.
用法都好簡單, 筆頭位有個按鈕,
只要按實按鈕, 個鑽嘴就會轉動. 將個鑽嘴接觸玻璃面開始畫就得架啦!!
就咁講就好似好易, 但畫起上黎真係好有難度. 如果有Art底子既女生, 應該無難度.
而我就揀左線條不算太複雜的米奇圖案, 再剪下圖案備用.
雖然我真的沒有太喜歡米奇啦!!
但其他圖案尺寸真的相對太大,畫落香檳杯上會顯得很奇怪.
再將米奇用膠紙貼實於杯內, 不可以移位. 因為等一下就係靠呢個米奇圖案跟住畫.
我就好努力畫呀畫呀….
因為要一邊畫, 一邊按實個按鈕,
所以有時會有手抽筋既感覺.
用左半個鐘, 終於畫左個外型出黎. 都似模似樣…對吧?
再黎既步驟就係要修飾粗糙邊線, 同埋幫米奇原本實色既地方:例如耳仔、腳仔磨砂…令佢變得更明顯同立體一點點.
登登登登…..最後既成品就係咁啦.
個人感覺與圖案紙上的米奇有70%相似, 而當我送俾男朋友時,
佢都有讚下個米奇係A級版模仿. 姐係都幾似啦…哈哈!!
希望下次有更多類似既工作坊可以參加!!
如果有心人睇到我呢篇BLOG, 有類似活動可以邀請我架.
**************************************************************
免責聲明:
本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢或尋求相關專業意見。
本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢或尋求相關專業意見。
歡迎邀稿│合作試用│出席活動:
