【保養品試用】保濕防敏好幫手 ● Dream Skin 高效保濕防敏精華原液

年糕好喜歡用韓國品牌的精華液, 而且特別鍾情於標榜與醫美團隊合作的產品.  因為這類產品的共通點都是有信心保證及抗敏度比較高. 對於我這種敏感肌的女生由其合適.

而我其實一直有用開某韓國品牌的精華液, 如果想知道什麼牌子, 可以去我前Blog【用清文001】看一看. 而最近發現有一款品牌, 無論走的路線及包裝樣子跟我用開的品牌差不多. 所以好奇心促使我去試一下, 究竟兩者有什麼分別呢?

DREAM SKIN高效保濕防敏精華原液 HK$ 138/30ml

成分:  專利成份 GF-Biopolymer, 天然保濕 NMF 精華, 植物鴨子蘑菇萃取物

功效:  專利GF-Biopolymer成分（專利註冊號：第0438009號），比透明質酸強效20%以上，天然保濕精華液，採用純天然植物鴨子植物蘑茹萃取物為主要成分，補充肌膚所需的水分並長效鎖水，鎮定因缺水引起的乾燥敏感現象，使皮膚水嫩透明

產品的功效及使用方法都於包裝背面清楚列明

而提提大家, 精華液的保質期限是印於包裝盒上的. 如果大家開封後, 請盡快使用. 要不然就將保質期限用label黏貼好於樽身, 以避免忘記.

藍色的玻璃樽身, 其實都幾重. 而採用吸管形式設計, 感覺比較衛生.

試質地:

精華液是呈透明液體狀, 比較”杰”身.  於手背上推開後, 很水潤保濕. 而且好快被皮膚吸收.

而內裡有看到細小顆粒的保濕因子. 是有助保濕鎖水,及令肌膚水潤嫩滑.

我使用方法通常都是早晚潔面後用, 於爽膚後就取一泵分量的精華原液於掌心搓揉

之後就於面上按壓, 利用掌心的熱力使精華原液更有效地滲入皮膚

後續的程序就是搽面霜及眼霜就完成我平時的護膚STEP.

DREAM SKIN這款的高效保濕防敏精華原液比我之前用開的品牌保濕效果更持久, 而且用後皮膚有明顯的光澤.  於冬天使用真的好合適.  用後因為皮膚得到即時滋潤, 所以甩皮的位置也得到舒緩.

而冬天我也會用質地較rich的面霜, 但就會很”杰”比較難於面上推開.  所以我都會先取面霜, 再加少少精華原液搓揉, 這樣就可以好輕易地令面霜變得更順滑, 於面上推開.

另外給大家的小tips, 就是將精華原液以1/2 比1份粉底液混合使用. 不但提升粉底液的滋潤度, 也令粉底更貼面.  是個不錯的保濕方法.

更多產品詳情: http://www.udegirl.com/dream_skin/hydrating_effector_serum

**************************************************************

產品及資料由品牌提供

免責聲明:
本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢或尋求相關專業意見。

歡迎邀稿│合作試用│出席活動:

年糕 email: lincolefu@yahoo.com.hk

【保養品試用】10日緊緻眼部肌膚 ● Brilliant Eyes 晶亮水鑽全方位修護眼霜

之前年糕分享博文既時候就向大家呻過, 自己的眼紋好明顯, 而且好礙眼. 好希望找到一款改善到眼紋的眼霜.  因為眼睛周圍的細紋真的很容易就曝露女人既年齡呀…我必須要肌齡逆轉.

我想真的會有人將年糕的話放於心上吧, 較早前就收到一支眼霜邀請試用哦.而且我到現在也一直在用, 效果真的不錯. 好吧…就把好物分享一下給大家.

Brilliant Eyes  晶亮水鑽全方位修護眼霜 HK$ 175/16g

主要成分: 維他命P, B, C,維他命 E 甘草黄酮, 夏威夷果仁, 乳木果, 古布阿蘇果油等….

Brilliant Eyes此款眼霜是熱銷產品

功效: 修護受損睫毛,黑眼圈,暗沉,乾涸,眼袋,鬆弛等六大問題 . 使眼周的肌膚更明亮,年輕和細嫩 . 不單止滋潤眼窩,還有遮蓋黑眼圈, 淡化眼袋的遮瑕作用

眼霜是MADE IN JAPAN, 可以放心品質沒有問題.

而盒底有香港總代理商資料, 有什麼事可以直接與他們聯絡.

敏感肌的我最開心是看到包裝上標示產品是無香料、無人造色素、無防腐劑、無動物油/礦物油

因為這些人造物料越少, 對皮膚健康就更好. 而且也減低對皮膚過敏的機會

而盒背更有圖解教大家一些配合產品而自己按摩的小技巧. 喜歡的可以跟住做呀!!

眼霜是牙膏狀設計, 而且唧嘴比較細. 可以更有效控制唧出來的分量, 要幾多就唧幾多.

而個人喜歡軟膠質地的包裝, 因為用完可以輕易剪開, 連內裡剩餘的眼霜都不會錯過(好師奶的想法~)

試質地:

眼霜是乳妝質地, 搽上皮膚很輕柔, 而且好容易推開, 不油膩、很滋潤. 沒有什麼味道.

感覺好快就被皮膚吸收.

非正式統計, 搽眼霜最好是用無名指塗抹. 一來力度比其他手指輕, 二來也較就手.

這個信則有, 不信就算啦. 反正邊隻手指搽都無所謂, 不過真係注意唔好太大力拉扯眼周圍的皮膚啦.

取大概兩粒米分量的眼霜就足夠塗抹一對眼.

最好就先以指腹於眼肚位將眼霜均勻印開, 之後輕輕打圈的方式按摩一下周圍的肌膚

**記住所有動作都要輕輕的, 不要過分大力. 因為眼部周圍的皮膚好脆弱的呀.

初初用的時候,會感覺到眼周圍有點痕癢. 就是維持數分鐘, 不會紅不會腫那種. 其實我也沒有理會, 之後用多2-3日就沒有這種感覺啦. 而一連用左2星期, 都沒有問題. 我想這是我個別情況吧.

一直拍照作記錄, 我也真的發覺眼紋有變淡的現象. 由一開始到第十日已經有改善.

我是早晚都會使用眼霜的人, 因為要勤力用才會見效呀.

而黑眼圈方面, 我就不太覺得有效減淡到. 始終黑眼圈跟你眼部肌膚血液運行有關, 而且黑眼圈不是一朝一夕就可以即刻消除, 除非配合適當的儀器吧.

小總結:

Brilliant Eyes的淡紋效果比我預期中要好, 而我至今也一直在使用. 而另外產品減淡黑眼圈及增長睫毛的功效, 暫時未能體會到. 我相信再用一段時間應該會有成效吧. 另外值得一讚的是眼霜價格親民, 而且分量不算少. 是普通人都負擔到的定價.所以以這個質素及價錢, 我會推薦給你們.

更多產品詳情: http://www.udegirl.com/brilliant_eyes/brilliant_eyes

**************************************************************

產品及資料由品牌提供

免責聲明:
本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢或尋求相關專業意見。

歡迎邀稿│合作試用│出席活動:

年糕 email: lincolefu@yahoo.com.hk

【搵食】泰新潮 ◕‿◕ 薄荷葉泰國菜

我又係元朗出沒啦!!

男朋友家住元朗的關系, 好多時我地拍拖都會選擇於元朗市覓食. 因為元朗真係有好多特式小店, 最重要的是餐廳選擇多.   

我一向都鐘情泰國菜, 因為喜歡泰菜酸酸辣辣的菜式好開胃. 一直有聽朋友說薄荷葉泰國菜餐廳好好味, 所以今次就同男朋友專誠拜訪一下, 去食呢間餐廳.

餐廳地點有點不就腳, 較偏僻. 如果不熟悉元朗的人會比較難找到. 當晚去到已經是8時, 門外已經見到好多人排隊, 幸好我地一早BOOK左枱, 唔需要等好耐就有位.

驟眼看, 我以為係一家酒吧. 因為裝潢實在太似啦. 就因為咁…環境令到食飯時整個人都好Relax.

鹹檸七(HK$ 27/杯)係我每次食泰菜都必order的飲品

甜柚鮮蝦沙律 HK$78

前菜先來個柚子沙律開開胃先

柚子本身真的好甜不會酸,而且柚肉粒粒都好飽滿多汁.  加上特製的醬汁就變得酸酸甜甜的勁開胃.  

而蝦肉好鮮味. 不是平時食開已做手腳的水晶蝦. 不錯不錯.

泰式檸檬魚  細條HK$ 108

其實我本身不太喜歡食魚, 因為怕腥. 不過當晚侍應推介檸檬魚(烏頭)俾我地 , 說呢款魚一點都不會腥.  好吧就信你一次咁多啦.

雖然叫左細條, 但魚的SIZE都唔算細. 兩人食好足夠. 食落去魚質好滑, 而且鮮甜無比. 真係唔腥, 而魚骨好大條, 所慢慢食唔怕會啃骨.  加上檸檬酸味同辣椒的辣味好配合. 我仲一邊食一邊讚好正呀..好滑呀!! 唔夠一陣就俾我KO左大半條, 男友都笑說我點解突然變左魚殺手.

不過個人認為條魚都算辣, 如果唔太食得辣的朋友可以落單時叫侍應MARK少辣. 超推介呢個菜!!

馬拉盞炒通菜 HK$ 48

平時食開的馬拉盞炒菜都是辣辣地的, 但呢個炒菜唔辣之外仲比較甜. 

另外, 這碟通菜炒得有點過火侯. 所以食落D菜好軟身, 唔爽口. 所以感覺麻麻.

泰式燒豬脾仔 HK$ 108

食飯之前上OPENRICE睇過, 好多人都推介必食燒豬脾仔. 我又點會錯過呢.

一碟共有4隻燒豬脾仔, SIZE唔算多.兩個人食4只剛剛好.

豬脾仔係先用香料醃製過先去燒, 所以食落好惹味.

而且唔會燒得太老太乾, 咬落去仲好嫩. 不過就沒有什麼肉汁可言, 所以要沾以泰式甜酸醬一齊食就剛剛好.

豬脾仔下面有好多伴菜, 而且新鮮好味. 伴菜預先混好醬汁, 所以食個時唔同一般伴碟菜無味道的. 反而呢個伴菜又係酸酸的, 如果食左豬脾仔覺得膩, 可以中和下.

突然覺得呢餐我地蔬菜叫得有點多, 早知豬脾仔下面有咁多伴菜, 我地就唔再叫菜, 多試幾個不同小食會更開心. 超推介燒豬脾仔.

泰式炒金邊粉 HK$ 88

賣相100分, 好有Fusion菜的感覺.

呢個金邊粉同平時食既有所不同. 平時的泰式金邊粉味道大多偏向酸同有重重的蕃茄味. 而呢個金邊粉就比較淡口同唔酸.

男朋友就唔太喜歡,佢喜歡重口味. 但我又覺得淡淡的口味又不錯啵.

另外值得一讚的是所有菜式的蝦都是用鮮蝦. 令到整個菜更口感豐富同有鮮味. 相比其他店鋪用水晶蝦, 沒有味道之外更只是用調味料調出鮮味更有誠意.

薄荷葉泰國菜

地址: 元朗安康路怡康大廈地下12-13號鋪

電話: 2475 5872

**************************************************************

歡迎邀稿│合作試用│出席活動:

年糕 email: lincolefu@yahoo.com.hk