星期二晚收工同老公係荃灣拍拖行街, 順便去CITYWALK個書局搵下去馬爾代夫嘅旅行資料.
我地睇完書都已經8點半, 肚仔餓到扁晒. 見到書局隔離有間西餐廳, 就入去醫下肚.
呢間餐廳叫Bien Bistro, 成間餐廳都帶有濃濃英國風味
餐廳環境開揚, 而且裝修有格調, 座位之間又唔會好迫. 好適合一班人或情侶撐枱腳.
喜歡西餐廳環境休閒, 唔會好似其他餐廳食飯咁, 都有種趕頭趕命的感覺
這個是餐廳送的餐前麵包, 長條包咬落鬆軟, 配上芝士英嘴豆醬, 味道很好.
頭盤是 西班牙特色頭盤 HK$ 80.
用木板上菜的頭盤論賣相有100分, 很有外國風格.
當中有雜菌、炸蠔、薄餅、味道有似鵝肝醬(?) 配凍蕃茄
炒雜菌入口有很香的牛油味, 帶有少少甜.
而醬汁將雜菌中的草青味巧妙地遮蓋, 所以很不錯.
平時我會很怕蠔腥味, 不過呢個炸蠔食得出好新鮮, 無任何腥味外, 咬落脆口多汁.
而上枱時剛炸到熱辣辣, 相當惹味.
主菜其中之一有英國特色煙三文魚蛋批 HK$78.00
蛋批上有三文魚同新鮮蔬菜伴以同食
看落蛋批唔算大件, 但實際好飽肚.
蛋批以酥皮為底, 中間是比較實心的濃濃雞蛋, 吃得出真材實料.
伴以酸忌廉醬汁同食, 可以減少膩的感覺
另外一個主菜是照燒牛肉眼扒 HK$168.00
肉眼扒order了五成熟, 肉質剛剛好, 不會太生也不會太韌
平時的牛扒不是配黑椒汁就是蒜蓉汁, 而這家餐廳是配照燒汁.
醬汁有濃濃的姜味, 而且帶甜.
真的超推介這款肉眼, 牛肉外層煎得微焦, 咬落肉嫩多汁. 照燒醬汁更有提鮮的功效, 配合得相當好. 食完好想再order多一份.
甜品是 澳洲鮮草莓蛋白酥餅 HK$ 55.00
甜品一上枱時, 我以為是一堆Cream. 但唔好俾佢個樣呃左.
食落口感似糖蔥餅內的脆糖, 不會太甜, 而蛋白味比較突出. 配以果醬同草莓同食, 酸酸甜甜, 很好味.
焦糖布丁抹茶HK$40.00
這個是店員推介的hot item, 說抹茶上的梳乎厘係唔會融化.
這杯抹茶味淡, 奶味比較濃. 而梳乎厘口感比較似綿花糖.
Bien Bistro
地址: 荃灣楊屋道1號荃新天地1期1樓L117號舖
Tel: 2155 9022
**************************************************************
歡迎邀稿│合作試用│出席活動:
年糕 email: lincolefu@yahoo.com.hk
