又黎到年糕婚後Vendor review嘅時候, 上次跟大家分享左我個手機下載 PHOTO BOOTH. 無諗過大家對於呢個服務好有興趣.
今次就係婚禮另一個亮眼點 Candy Corner啦!!
Candy Corner呢個item由籌備結婚個時就有諗過整, 不過都係諗住自己DIY, 會係淘寶淘下樽deco下就算. 點知最後卻由專做Candy Corner的佈置公司負責.
皆因我閒時會上網玩下唔同公司FB送禮遊戲, 點知就俾我抽中左個免費Candy Corner佈置(唔包糖). 所以今次個Candy Corner佈置係獎品黎架.
原本對中獎得返黎嘅Candy Corner不抱任何希望, 因為始終是獎品, 未必會同其他人真金白銀俾錢同質素.
點知由一開始同負責人聯絡, 佢已經Promise我唔會因為我係免費而對我服務差, 佢對所有客人都會一視同仁. 最後佢地真係講得出做得到, 仲拎出100%努力去做, 真心特別欣賞佢地呢一點.
搞婚禮事業, 有心做事嘅人真係好難得, 因為B2B好怕遇到無良黑心店. 今次就俾我遇到有heart嘅人 婚Fan- Wedding Candy Corner公司.
開始聯絡個時婚Fan- Wedding會問我想要咩色主題, 而我就好快決定左要紫色.
之後佢會問我有無個性化icon或特別喜好嘅圖案, 佢可以用黎design個welcome frame.
提供晒所需要資料之後, 1、2日已經收到佢地個設計.
之後我想整人型formboard, 就算佢地無呢個服務, 都好熱心幫我問相關朋友報價. 最後我決定自己搵e-banner整而無要到個服務,佢地都無俾任何說話我聽. 而溝通過程中, 佢地都無hard sell過要我join任何加錢服務. 只係我有咩需要, 佢地先報價俾我.
當日我個場3:30pm先可以交到場, 我一早同左婚Fan- Wedding個邊講左,
點知佢地當日2:30pm已經到左場地, 當佢地通知我到左個時, 我都仲係車上未到擺酒地方.
開頭仲以為自己講錯左時間, 原來係佢地預早時間到.
最後佢地要等到3:30pm先有長枱佈置, 佢地都無任何怨言, 仲好快手set好晒所有佈置.
到我轉左迎賓妝個時, 我趁有時間已經忍唔住走去望下個Candy Corner同玩我特別Book嘅夾糖機.
老實講, 成個Candy Corner嘅佈置比我預期中要好睇. (可能之前諗住係獎品, 所以期望唔大)
唯一美中不足嘅係個夾糖機比想像中細, 玩起上黎有D困難.
不過我第一次夾就夾中粒糖, 堅開心呀!!
有賓客/朋友玩完反映話好難夾, 有D人因為夾唔到索性倒D糖出黎XD.
其實成個Candy Corner都幾受賓客歡迎, 特別係個夾糖機. 如果可以改大部少少就更加好啦.
由溝通到當日到場佈置, 我真係睇到 婚Fan- Wedding當中嘅熱誠同佢地嘅良好服務.
分享俾大家只係因為我親身體驗過佢地服務, 以客為先嘅小店真係唔多. 結婚一世人一次, 邊個唔想自己Dream wedding係圓滿完成,而唔係因為vendor問題留下任何污點. 所以只想俾大家作為一個參考及多一個選擇.
婚-Fan Wedding Candy Corner: https://www.facebook.com/fan.wedding
**************************************************************
歡迎邀稿│合作試用│出席活動:
年糕 email: lincolefu@yahoo.com.hk
Instagram: Lincole_happy
