年糕: 沉醉冰河世紀大世界❆ 冰上動感冰河世紀LIVE! 香港站長毛象大冒險

2015年7月8日星期三

沉醉冰河世紀大世界❆ 冰上動感冰河世紀LIVE! 香港站長毛象大冒險

暑假就快到啦, 家長、情侶們係未都準備計劃點樣過一個充實又歡樂嘅暑期呢!!

好吧, 我見到你地係電腦前不斷點頭.(笑~)

年糕今次有好推介, 就係由全球最受觀眾歡迎的動畫電影系列「ICE AGE冰河世紀」改編而成之「冰上動感冰河世紀LIVE! 香港站長毛象大冒險」音樂劇將於7月23日至26日在香港亞洲國際博覽館Arena舉行.

唔但止適合情侶拍拖一齊去睇(因為我都係粉絲, 最愛鬼馬的森仔), 仲好適合一家大細一同觀賞.

聽落已經好吸引?? 我以下介紹內容更加吸引呀~

呢套「冰上動感冰河世紀LIVE! 香港站長毛象大冒險」係將熒幕動畫活活地搬到現實世界中,而且更結合音樂劇演出, 令觀眾可以現場隨住主角喜、怒、哀、樂的表演去體驗音樂劇劇情, 同時間都教育大家不畏艱險, 發揮互助互愛及犧牲精神.

音樂劇卡士大, 而且製作認真. 有驚險空中特技、精彩溜冰藝術、表演現場更會設置3D超大螢幕, 加上配360度特技效果, 一定令你目不暇給.

3D超大螢幕,隨住劇情轉變畫面. 令觀眾有如置身於其中

有令人讚嘆的精彩蹓冰技術

仲有好緊張的驚險空中特技

整個音樂劇由國際頂級團隊製作, 栩栩如生的場景設計, 再配上活潑輕快的音樂背景, 加上燈光及特效設計, 都為現場觀眾帶來視覺名感觀的享受.

故事大概係講劇中所有主角在面對地球失衡的冰河世紀中, 遇到的大自然山川變化以, 史前巨鳥幻影一黨的威脅及可愛的小長毛象蜜桃陷入險境下, 如何不畏艱險, 發揮互助互愛及犧牲精神, 最後戰勝黑暗邪惡的故事.

屆時大家熟悉之卡通人物包括森仔、文輝、阿北和大阿哥等在舞台上以喜劇、功夫、溜冰、空中表演、馬戲團等元素, 再配以精彩的對白和歌曲, 呢個富有教育意義的音樂劇定必可以帶給現場觀眾一次精彩難忘的體驗.

音樂劇分別有粵語、英語和普通話等三種版本供觀眾於購票時選擇.

而粵語星級配音陣容包括了蘇志威(聲演 Diego大亞哥) 、梁漢文(聲演Buck 阿北)、李燦森(聲演Sid 森仔)、鄭欣宜(聲演Ellie 愛莉) 和應昌佑 (聲演Manny 文輝) 等, 佢地精彩演譯必定會為本劇加添不少分數.

講下講下, 搞到我都已經急不及待想去睇. 其餘自2012年起「冰上動感冰河世紀LIVE ! 香港站長毛象大冒險」音樂劇已於世界各地三十多個城市舉行, 當中包括德國、瑞士、澳洲、俄羅斯、紐西蘭和捷克, 香港今次就威威啦,有幸成為今次世界巡迴演出之亞洲首站，, 並鐵定於 2015年7月23-26日在香港亞洲國際博覽館Arena隆重舉行.

於演出期間, 大會將於亞洲國際博覽館內設置益智攤位遊戲, 讓每一位父母和他們的小朋友去欣賞這個音樂劇之同時也可以在場館內消磨一整天時間.