一早計劃星期日同男友去大埔踩下單車, 再去海濱公園拍下拖.
所以事先上Openrice搜尋一下有咩美食
見到OPPA燒肉店評語不錯, 所以就BOOK定位.
5點半到達餐廳, 入座率不高, 只有幾張枱.
但餐廳6:15pm幾乎滿座, 好彩我地選擇較早時間入座
而且餐廳裝飾及牆上圖案都十分有特色, 別樹一格
個肚餓到咕咕聲, 立即點菜
餐牌上的價錢合理, 食燒肉當然要有牛有豬, 所以我地兩款肉都有Order.
落完單, 侍應隨之拎泡菜於鐵板上整出泡菜蛋.
泡菜蛋已經成為韓式燒肉店另一必備小食
而每枱都會有3碟小食, 分別有大豆牙菜、芝麻海帶同辣泡菜. 而小食都可以免費refill. 店員會不定時推出裝滿小食嘅車仔, 幫每一枱客人添加小食.
另外每人有一份醬料, 包括韓式辣醬、生蒜/辣椒、大醬及粗鹽.
因為我地只有2人進食, 所以單點得唔算太多.
首先出場牛排骨(HK$128)
侍應見到我地開始燒都會主動幫手, 而且照顧周到, 煎到火喉剛剛好就可以把肉剪成一塊一塊方便進食. 超推介牛排骨, 不可以錯過.
黑毛豬拼盤(HK$348), 盤中配有一些豆角可供一齊燒
有西班牙黑毛豬鞍、豬肉眼、豬腩卷
我地一開始先燒左豬腩卷, 因為是薄切關系, 燒嘅時間唔需要太耐. 輕輕兩邊煎一煎就已經熟透. 而醬汁一接觸鐵板就容易變燶,所以唔多食到醬汁味道.
包住生菜同泡菜一齊食真係好正
到燒豬鞍時肉比較厚, 而當時個鐵板已經燶燶地, 侍應行過見到我地可憐豬鞍未熟, 但外層已經黑晒主動詢問清理乾淨個鐵板. 服務主動又有禮貌GOOD.
另外仲叫左個煎韓式海鮮餅(HK$88), 煎餅內海鮮餡料都幾多, 同埋唔會煎得太薄, 正合我胃口.
另外最欣賞個煎餅醬汁, 甜甜酸酸的唔會辣, 仲好開胃, 可以減底個油膩感.
而且又可以豬肉、牛肉沾此醬汁一齊食都好夾. 所以係我另一推介必食之一.
餐廳整體表現很不錯, 無論上菜、侍應服務態度、環境、食物質素都係水準之上. 另價錢合理, 環境營造都同韓國燒肉店差不多.所以值得推介同會再次光顧.
OPPA韓國燒肉店 OPPA Korean Restaurant
大埔舊墟直街4-20號美新大廈地下B2舖
TEL: 3565 5032 / 6892 3091
**************************************************************
歡迎邀稿│合作試用│出席活動:
年糕 email: lincolefu@yahoo.com.hk
